კონფიდენციალურობის პოლიტიკა

ვინ არის პასუხისმგებელი

Adproove-ს მართავს Alpaca JSC (3 Zaur Bolkvadze St., Apt 11, Tbilisi 0186, Georgia) და ის არის პასუხისმგებელი აქ აღწერილ მონაცემებზე. თქვენს მონაცემებთან დაკავშირებული ნებისმიერი საკითხით მოგვწერეთ: sales@alpaca.ge.

რას ვაგროვებთ

• თქვენი ანგარიში: სახელი, ელფოსტა, კომპანიის სახელი, თქვენთვის მინიჭებული როლი და უფლებები, და კოლეგებისთვის გაგზავნილი მოსაწვევები. პაროლს ჩვენი შესვლის სერვისი ამოწმებს და ის არავის უჩანს.
• მონაცემები იმ სარეკლამო ანგარიშებიდან, რომლებსაც თქვენ აერთებთ — თქვენი ნებართვით, Meta-სა და Google-ის ოფიციალური ინტერფეისებით: სარეკლამო ანგარიშები (სახელი, ID, ვალუტა, დროის სარტყელი, სტატუსი, დახარჯული თანხა, ბალანსი და ხარჯვის ლიმიტი), მათი კამპანიები, Ad set-ები ან Ad group-ები და რეკლამები პარამეტრებით, ტექსტებითა და სურათებით, მათი დღიური ციფრები (ხარჯი, ჩვენებები, დაწკაპუნებები, შედეგები და სხვა) 37 თვემდე უკან, აუდიტორიები (სახელები და სავარაუდო ზომა), pixel-ები და კონვერსიები, საკვანძო სიტყვები და საძიებო ფრაზები, რეკომენდაციები და თავად პლატფორმების ცვლილებების ისტორია.
• წვდომა, რომელსაც Meta და Google ანგარიშის მიერთებისას გვაძლევენ. ის მხოლოდ ჩვენს სერვერზე ინახება და თქვენს ბრაუზერში არასდროს იგზავნება.
• კლიენტების სიები, რომლებსაც Meta-ს აუდიტორიისთვის ტვირთავთ: ელფოსტები და ტელეფონის ნომრები თქვენსავე ბრაუზერში იქცევა ცალმხრივ კოდებად (SHA-256) და იგზავნება მხოლოდ ეს კოდები — წასაკითხი მნიშვნელობები თქვენს მოწყობილობას არ ტოვებს.
• პროდუქტების ბაზები, რომლებსაც აერთებთ (FINA): პროდუქტები, ფასები, მარაგი და საწყობები, ამ კავშირის შესვლის მონაცემებით.
• ის, რასაც პროდუქტში ცვლით: თქვენ მიერ მოთხოვნილი ან დადასტურებული ცვლილებები, თქვენ მიერ შექმნილი წესები და მათი შედეგები, ავტომატური ცვლილებებისთვის დაწესებული ლიმიტები, და თქვენს რეკლამებზე გაჩენილი შეტყობინებები და ვინ წაიკითხა ისინი.
• ის, რაც AI-მ თქვენი რეკლამებისთვის მოამზადა: ანალიზი, მიგნებები, რეკომენდაციები და მათი შედეგები, ჩანაწერები და შეჯამებები, რომლებსაც რეკლამების დროში სადევნებლად ინახავს, და მისი გამოყენების მოცულობა. AI ასისტენტისთვის დასმული კითხვები და მისი პასუხები არ ინახება: საუბარი თქვენი ბრაუზერის ჩანართში რჩება და ყოველ კითხვასთან ერთად იგზავნება.

რისთვის ვიყენებთ

• რომ გაჩვენოთ თქვენი რეკლამები და მათი ციფრები, ვიპოვოთ პრობლემები და შეტყობინებები ელფოსტით გამოგიგზავნოთ.
• რომ რეკლამაში ცვლილება შევიტანოთ მხოლოდ მაშინ, როცა თქვენი კომპანიის თანამშრომელი ამას ითხოვს ან ადასტურებს, ან როცა ამას თქვენი კომპანიის მიერ შექმნილი წესი ითვალისწინებს.
• რომ AI მოდელით მოვამზადოთ ანალიზი და რეკომენდაციები (იხ. ქვემოთ).
• რომ სერვისი ვამუშაოთ, დავიცვათ და გავასწოროთ, და გიპასუხოთ, როცა მოგვწერთ.

თქვენს მონაცემებს არ ვყიდით, რეკლამისთვის არ ვიყენებთ და ერთი კომპანიის მონაცემებს მეორე კომპანიისთვის არ ვიყენებთ.

AI

Adproove თქვენი რეკლამების ციფრებსა და პარამეტრებს AI მოდელს უგზავნის, რომ დაწეროს შეჯამებები, მიგნებები, რეკომენდაციები და პასუხები თქვენს კითხვებზე. AI მხოლოდ გთავაზობთ: სარეკლამო ანგარიშებში არაფერი იცვლება, სანამ ადამიანი არ დაადასტურებს.

AI მოდელი არის Google-ის Gemini, მისი ფასიანი სერვისით, ინტერნეტში ძიების გარეშე. Google მონაცემებს ჩვენი სახელით ამუშავებს, მხოლოდ ამ პასუხების მოსამზადებლად: ამ სერვისის პირობებით ის ჩვენ მიერ გაგზავნილსა და თავის პასუხებს საკუთარი პროდუქტების გასაუმჯობესებლად არ იყენებს, ინახავს მხოლოდ შეზღუდული დროით ბოროტად გამოყენების აღმოსაჩენად და შეიძლება დაამუშაოს ნებისმიერ ქვეყანაში, მათ შორის საქართველოს გარეთ.

ვინ ხედავს თქვენს მონაცემებს

• თქვენივე კომპანიის თანამშრომლები პროდუქტში, იმ უფლებების მიხედვით, რომლებსაც თქვენი ადმინისტრატორები აძლევენ. თითოეული კომპანია მხოლოდ საკუთარ მონაცემებს ხედავს.
• Meta და Google, როცა თქვენ მიერ დადასტურებული ცვლილება თქვენს სარეკლამო ანგარიშში კეთდება — ცვლილება მათთან მიდის, ისევე როგორც მაშინ, როცა მას მათივე ხელსაწყოებში აკეთებთ.
• მომსახურების მომწოდებლები, რომლებიც სერვისის ნაწილებს ჩვენთვის ამუშავებენ — ჰოსტინგი (Google Cloud), ელფოსტის გაგზავნა და AI მოდელი (Google Gemini) — და მონაცემებს მხოლოდ ჩვენი მითითებით ამუშავებენ. ჩვენი სერვერები და მათი სარეზერვო ასლები Google Cloud-ის ევროკავშირის რეგიონშია, ამიტომ თქვენი მონაცემები საქართველოს გარეთ ინახება.
• თქვენივე პროდუქტების ბაზა (FINA), საიდანაც პროდუქტი მონაცემებს კითხულობს და რომელსაც მხოლოდ თქვენი ბიზნესი მართავს.
• სახელმწიფო ორგანოები, როცა ამას კანონი მოითხოვს.

Meta-დან მიღებული მონაცემები

Meta-დან მიღებულ მონაცემებს ვიყენებთ მხოლოდ იმ ბიზნესისთვის ამ სერვისის გასაწევად, რომელმაც ისინი მიაერთა, თითოეული ბიზნესის მონაცემებს ცალ-ცალკე ვინახავთ და ვამუშავებთ ისე, როგორც ამას Meta-ს პლატფორმის პირობები (Platform Terms) მოითხოვს. მათ არ ვიყენებთ ადამიანების პროფილების შესაქმნელად და არავის გადავცემთ, გარდა ამ პოლიტიკაში აღწერილი შემთხვევებისა.

რამდენ ხანს ვინახავთ

მონაცემებს ვინახავთ, სანამ თქვენი ანგარიში და მისი კავშირები არსებობს; რეკლამების მონაცემები დაახლოებით ყოველ საათში ახლდება. 37 თვეზე ძველი დღიური ციფრები იშლება — Meta და Google მათ უფრო დიდხანს არც თავად ინახავენ. ყოველი განახლების ტექნიკური ჩანაწერები 30 დღე ინახება და თქვენი რეკლამების მნიშვნელობებს არ შეიცავს; სერვერის ჟურნალიც 30 დღე ინახება. მონაცემთა ბაზის სარეზერვო ასლი ყოველდღე კეთდება და თითოეული 7 დღე ინახება, ამიტომ წაშლილი მონაცემები სარეზერვო ასლებიდანაც 7 დღეში ქრება.

როცა სარეკლამო ანგარიშს არჩეულებიდან ხსნით, არაფერი იშლება: ის აღარ ახლდება და აღარ ჩანს, მისი შეტყობინებები კი იხურება. კავშირის გაწყვეტისას ის მაშინვე იშლება თავისი წვდომით, სარეკლამო ანგარიშებით და ყველაფრით, რაც მათ ქვეშაა: რეკლამები, ციფრები, AI-ის მონაცემები მათზე, წესები და ლიმიტები. ცვლილებების ჩანაწერი და შეტყობინებები თქვენს ანგარიშში რჩება, რეკლამასთან კავშირის გარეშე. როცა თანამშრომელი თავის პროფილს შლის, მხოლოდ ის იშლება; როცა მფლობელი ანგარიშს შლის, მაშინვე იშლება კომპანიის მთელი ანგარიში: მისი თანამშრომლები, კავშირები, რეკლამები და ყველაფერი დანარჩენი. როგორ გააკეთოთ ეს — იხ. მონაცემების წაშლის გვერდი.

უსაფრთხოება

პროდუქტი მხოლოდ დაშიფრული კავშირით (HTTPS) იხსნება. თქვენი შესვლა ინახება cookie-ში, რომელსაც ბრაუზერის სკრიპტები ვერ კითხულობს, ხოლო პლატფორმების წვდომა ჩვენს სერვერზე რჩება. Meta-სა და Google-ის წვდომა და თქვენი პროდუქტების ბაზის პაროლი დაშიფრულად (AES) ინახება. თითოეული კომპანიის მონაცემები ცალ-ცალკე ინახება. შეცდომები მხოლოდ ჩვენივე სერვერის ჟურნალში იწერება; შეცდომების თვალთვალის გარე სერვისს არ ვიყენებთ.

Cookie-ები

ვიყენებთ მხოლოდ იმ cookie-ებს, რომლებიც პროდუქტს სჭირდება: ერთს, რომელიც სისტემაში შესულს გტოვებთ, და მათ, რომლებიც თქვენ მიერ არჩეულ ენასა და სვეტებს იმახსოვრებს. თქვენი ბრაუზერი ასევე იმახსოვრებს არჩეულ ფერის თემას. სარეკლამო ან თვალთვალის cookie-ებს არ ვიყენებთ.

თქვენი უფლებები

შეგიძლიათ მოითხოვოთ თქვენ შესახებ შენახული მონაცემების ნახვა, გასწორება, წაშლა, ან გააპროტესტოთ მათი გამოყენება — მოგვწერეთ: sales@alpaca.ge. ასევე შეგიძლიათ მიმართოთ თქვენი ქვეყნის მონაცემთა დაცვის ორგანოს; საქართველოში — პერსონალურ მონაცემთა დაცვის სამსახურს.

ბავშვები

პროდუქტი ბიზნესისთვისაა და 18 წლამდე პირებისთვის არ არის განკუთვნილი.

ცვლილებები ამ პოლიტიკაში

პოლიტიკის შეცვლისას ამ გვერდის თავში თარიღს ვაახლებთ, ხოლო მნიშვნელოვანი ცვლილების შესახებ ანგარიშების მფლობელებს ელფოსტით ვატყობინებთ.